كيف تصور نفسك بنفسك ف البيت بالموبايل

 تعال كدا نشوف ازاي صورت الصور دي هنا ف الاوضه بالموبايل فقط

اول حاجه

هتحتاج مصدر اضاءه, اتصرف جيب اضاءات او شباك مدخل اضاءه كويسه الصبح بدري أو لو معندكش اضاءه خالص ف استنا شويه هقولك ازاي تصور بدون اضاءات نهائي,

تاني حاجه

هتحتاج حاجه تثبت عليها الموبايل ترايبود او اي حاجه عاليه بس المهم الموبايل يكون ثابت,

ثالث حاجه

تجيب ريموت شتر تتحكم فيه بالكاميرا بتاعة الموبايل زي : https://bit.ly/3vqKbXb

أو تقدر تعمل مؤقت timer 10 ثواني مثلا و تصور نفس بالمؤقت,
اختار بعد كدا الزاويه و الشكل الي عايز تصور نفسك بيه انا اخترت خلفية فيه تفاصيل و هي الستاره

اضبط زاوية الاضاءه بتاعتك أو اقف عند الشباك عشان النور, لو عايز تبقي صورتك احلي كمان تقدر تجيب لمبات ليد الوان و تحطها ف الخلفيه بعيد تدي شكل حلو

لو كاميرا الموبايل بتاعك مفيهاش وضع احترافي استخدم تطبيق Lightroom موجود فيه وضع احترافي تتحكم فيه بالكاميرا بتاعتك,

اضبط اعدادات الكاميرا بتاعتك و صور, دي صوره عاديه تعال نغير زاوية الاضاءه بقي,

و عشان تعرف ايه هي الزوايا الي تستخدمها شوف فيديو الاضاءه من هنا,

دي كدا صور عاديه ف البيت, ازاي تجيب بقي صور حلوه بدون اضاءه خالص,
جيب شمعه و ممكن تجيب ماسك ده اختياري و أطفي كل انوار المكان الي انت فيه,
قرب الشمعه قد ما تقدر ليك و غير اعدادات الموبايل عشان تناسب الاضاءه,
هنا بقي ممكن تبقي مبدع, ممكن تصور الصوره زي ما انا صورتها كدا و تبقي عميقه عاديه.