نصائح ‏لمصورين ‏الويدينج ‏الجداد ‏نصائح ‏للمصورين ‏الافراح

دي شوية نصايح لمصورين الويدنج الجداد

1- خصص وقت انك تعمل ميتنج مع العميل .. ولو مقدرتش .. حاول تعمل اتفاق من خلال الصفحة او الواتس اب .. عشان كل حاجة تبقي واضحة ومحدش يقول (مش فاكر او متفقناش )

2- اوقات بتبقي خايف الصفقة تضيع منك .. فا بتقدم تنازلات .. ركز كويس ف الي بتقولو .. عشان متلاقيش نفسك قولت حاجة ... تندم عليها بعدين 

علي سبيل المثال (لازم تكون واضح ان صور البارتي .. بيتعملها ايديت بسيط  ) 

لان وارد تقع ف عميل يبقي فاكر ان صور البارتي كلها بيتعملها ايديت فوتوشوب عنيف زي السيشن 

3- خليك واضح ف مواعيد الاستلام .. لانك لو موضحتهاش هتلاقية من تاني يوم بيقولك اخبار الصور اية

4- خليك واضح انك بتخلص حسابك يوم الفرح ب الكامل ومش بتبقي فلوس

5- العميل من حقو يرفض نزول الصور .. ومن حقو انو يرجع ف قرارة ويقولك امسح الصور .. انا عارف ان كلامي دة يعصب وينرفز بس للاسف دي حقيقة .. عشان كدة انت لازم نفسيا تكون مستعد لدة .. تاني حاجة انت ممكن توضح انك عامل خصم مثلا بقيمة 500 جنية .. او 300 جنية حسب مقدرتك .. لو هوا سمح ليك انك تنزل الصور .. حاول تستخدم التفاوض في انك تعرض الصور علي الصفحة بتاعتك .. طالما انت واخدك حقك المادي ب الكامل للاسف متقدرش ترفض طلبة الا لو انت (بلغتو انك يا هتنزل الصور يا اما مش هتوافق علي التصوير من الاؤل )

6- ديما خد معاك ساندوتش وخلية ف الشنطة .. العميل مش مجبر يعمل حسابك  ف البوفية .. ووارد جدا تقع ف عميل يحرجك .. حاول متتكلمش ف الجزئية دي نهائي .. معمول حسابك خلاص مش معمول متتكلمش فيها 

7- متبعتش لحد صور (صحاب العريس او البنات ) قبل ما العريس نفسو يستلم بكل بساطة هوا الي حاجز معاك ومديك حسابك .. مفيش حد لية حق ياخد صور قبل صاحب الفرح نفسة

اتمني تكون معلومات مفيدة