اختيار زاوية التصوير لفيديوهاتك | كورس يوتيوب زاوية التصوير

 زاوية التصوير

كتير هيفكر و يقول مالها يعني الزاويه ؟
لو انت شوفت كمية الزوايا الغلط و السيئه الي بشوفها في القنوات الي لسه بيبدأ أو الي اول مره يصور حتي بعض اليوتيوبرز الي عندهم عدد لا بأس به من المشتركين هتفهم عامل المقال ده ليه,

الزاويه مش حاجه بسيطه زي ما انت فاكر
مش مجرد تعمل زاويه واسعه وخلاص,
علي حسب المحتوي الي بتقدمه تختلف الزاويه جدا, علي حسب الكلام أو المعني الي عايز توصله للجمهور بتختلف الزاويه, الموضوع كبير فجيب كوباية الشاي أو النسكافيه بتاعتك و بسكوت و ركز كدا معايا, و لو عايز تعرف ملخص عن ازاي تبدأ يوتيوب شوف الفيديو ده من هنا

خلينا نبدأ لو انت هتقدم محتوي تقني, ليه محتوي تقني الاول عشان ده أشهر محتوي تقريبا اي حد بيجي يبدأ بيعمل قناع تقنيه,

زاويه واسعه, بس كدا هو ده كل الي محتاجه بس مش بس كدا لا, انت محتاج تخلي علو أو ارتفاع الكاميرا بتاعتك أو الموبايل اقل من مستوي العين, عشان يديك اللوك بتاع اشهر القنوات التقنيه, الكاميرا بتكون علي مستوي الترابيزه الي قدامك اعلي منها بحاجه بسيطه جدا و تخلي الكاميرا باصه علي وشك بعض الشئ بحيث يكون المايك مش باين ف الكادر و ده حاجه فيديو تاني هنطرق له بعدين عن المايك و الصوت,

طب لو محتوي العاب جيمينج؟

في زاويتين الاولي زاويه الكاميرا فوق شاشة الكمبيوتر او جمب شاشة الكمبيوتر و تجيبك,
طبعا هتحتاج جرين سكرين,
تاني زاويه و هي من الجمب و دي مش منتشره اوي في قنوات الجيمينج بس في بعض اليوتيوبرز بيستخدموها,

محتوي طبخ,

عايز تبين الاكل هتاخده من زاويه عاليه باصص علي الاكل من فوق و لو زاويه 90 درجه من فوق لتحت هيكون افضل طبعا و الاضاءه هي أهم عامل و ده ف فيديو الاضاءه,

اخر محتوي قصص

بمعني تطلع قدام الكاميرا و تتكلم في موضوع معين انت عايز تناقشه أو تقول رايك ف حاجه او تشرح حاجه,
مكان الكاميرا هنا انت حر يعتبر, ممكن تعقد ع الأرض و تثبت الكاميرا علي الارض قدامك أو تخلي الكاميرا بارتفاع عنيك و ده الي انا بحب استخدمه, أو تخلي الكاميرا عند علو شعرك و باصصه بزاويه بسيطه لتحت,

اما بالنسبه للتعبيرات أو الإحساس الي بتبعته من زوايا الكاميرا, ف دي لازم تبقي مصاحبه للاضاءه يعني لو هتصور من الجمب ف لازم نص وشك بس الي يكون منور,

لو هتصور قدام الكاميرا و مبسوط لازم وشك كله منور, و هشرح الاضاءه و تأثيرها علي جودة الفيديو في فيديو اخر,

الواجب ال homework بتاعك للاسبوع الجاي انك تجرب كل زوايا التصوير و تعملي منشن علي انستجرام ف صوره او فيديو بتبين فيها الزاويه الي انت اخترتها.